Estrecho adventure immigrazioaren gordintasuna salatzen duen film laburra

Estrecho Adventure film laburra da. Immigrazioaren gordintasuna modu berezian salatzen du, izan ere filmak bideojoko baten itxura hartzen du. Bideojokoan Abdul izeneko gazte marokiarrak Marokotik Andaluziako kostaldera heltzeko pasatu behar dituen oztopoak agertzen dira. Baina lehenengo zati hori gaindituta, beste oztopo batzuei egin behar izango die aurre Abdulek: arrazakeriari, lana bilatzeari, paperak lortzeari…bideo jokoaren teknika erabiliz Andaluziako kostaldean gertatzen denaren ikuspegi kritikoa azaleratzen du zuzendariak.

Zuzendaria Valeriano Lopez da. Lopezek bere obran bideojokoen edota publizitatearen teknika eta hizkuntzak erabiltzen ditu ikuslea bereganatzeko. Horrela, modu ironikoa erabiliz, gizarte kontsumoaren produktuak, immigrazioa edo bestelako fenomenoak aztertu izan ditu. Estrecho adventure Lopezen obra oberena da adituen arabera.