Urrats berriak: ikasle etorri berriak (eta eurekin harremanetan daudenak) orientatzeko bideoa eta gida
Abendua 13, 2011 Iruzkin bat utzi
Kanadako Ontario eskualdean egindako bideo eta gidaliburu bat dakarkigu oraingoan Ombupeanera.
Settlement.org orrialdean topatu dugu bideoa, Kanadako immigrazio eta hiritartasun sailak sortutako web orria da eta bertan etorri berriei arlo ugaritako informazioa ematen zaie.
Film honetan hainbat jatorritako 14 gazteren esanak jaso dira eskolara egokitzeko euren prozesuaz eta arrakasta izaten lagundu dieten gakoez hizketan. Irakaskuntza metodoei buruz, beste ikasle eta irakasleekiko komunikazioari buruz eta espero zutena eta benetan topatu dutenari buruz dihardute, besteak beste.
Bideoa 17 hizkuntzatan dago eskuragarri web orri honetan. Bideoaz gain bertako edukiak lantzeko gidaliburu bat ere jarri dute sarean ingelesez eta frantsesez.
Kanadan sortu arren, Euskal Herriko gazte zein helduekin lantzeko material interesgarria.
