Aniztasuna.com webgune berritua

Orain arte immigrazioa.com izan da Emuneko aniztasun eta immigrazio zerbitzuaren webgunea. Hemendik aurrera, ordea, aniztasuna.com izango da erabiliko dugun webgune berria.

Ombupean webgunean zeuden eduki guztiak beste webgunean ere erabilgarri izango dira. Berrikuntza sozialaren bidean,

Aniztasunaren kudeaketa eraginkorra egiten dugu, kultura ezberdinen elkar ulertzetik eta aitortzatik, herritarren elkarbizitzarako. Hau guztia, bertakotasun ikuspegiarekin eta euskara kohesiorako elementu estrategiko gisa ulertuz egiten dugu.

Migrazio mugimenduak hain eguneroko bilakatu zaizkigun gizartean, gaia kudeatzeko premia sortu da administrazioan, gizarte erakundeetan eta arlo pribatuan. Gure ikuspegitik, aniztasuna ezin da modu isolatuan landu, arlo guztietan eragina duelako. Esperientziak erakutsi digu eragile askok parte hartzen duten esparrua dela, eta administrazio baten barruan ere hainbat sailek egiten dute lan ildo horretan.

Gizartea berdintasunean eta aniztasunean bizi dadin bultzatu nahi dugu Emunen, herritar guztien artean bertakotasuna lantzeko, eta horretarako estrategia eta ekintzak planifikatu behar direla uste dugu. Metodologia sistematizatua, parte hartzailea eta malgua aplikatzen dugu gurekin elkarlanean bideratutako proiektuetan.

11 kolore fest

Donostian izan da asteburu honetan 11 kolore fest, 11 danbor martxa, EHk 11 Kolore antolatuta. Argia aldizkarikoek argazki diaporama egin dute eta antolatzaileek eurek bideotxo hau.

Diru laguntzak Araban: kultur arteko bizikidetza

Arabako Foru Aldundiak, sentsibilizazioa eta kultura arteko bizikidetza sustatzera bideratutako programak edota jarduerak garatzeko Udal eta Koadrilei zabaldutako deialdia argitaratu zuen maiatzaren 6an.

  • 60.000 €ko diru partida dago eta onuradunak Arabako Udal eta koadrilak izango dira,  Gasteizkoa izan ezik.
  • % 10eko autofinantziazioa eskatzen da, gutxienez 500 €ko laguntza eskatzen duten proiektuentzat eta gehienez 10.000 €

Deialdiak berak aipatzen du gizartea anitza dela, gero eta gizarte eta kultur aniztasun handiagoa duela; gaur egun, kultura arteko gizartea baino gehiago dela, gure gizarte hau, kultura anitzeko gizartea.

Horregatik, nahitaezkoa da bateratzea denon espazioa eta baliabideak interpretatzeko eta banatzeko ditugun moduak, baita harremanak izateko eta mintzatzeko moduak ere.

Kontuan izan Emunen laguntza izan dezakezuela bide honetan.

Mutrikun eta Agurainen elkarbizitza jorratzen hasteko lan ildoak adostu dituzte

Azken bi hilabetetan aniztasuna eta elkarbizitzaren inguruko prozesu parte hartzaileak burutu dira Agurainen eta Mutrikun. EMUNek gidatu ditu prozesu parte hartzaileak.

Mutrikun lan talde bakarrean egin dute prozesua, Agurainen berriz bi izan dira lan taldeak. Bi herrietako ordezkari politikoak oso pozik daude herritarren eta herriko gizarte eragileen aldetik jaso izan duten erantzunarekin, eta prozesuaren hasieran zein bukaeran beraien esker ona adierazi dute.

Mutrikuko saioa

Mutrikuren kasuan, 22 pertsona bildu dira aniztasunaren inguruko hausnarketa honetara. Izan ere, prozesuaren hasieran, hausnarketari tarte bat egiten zaio. Migrazioak, aniztasuna eta elkarbizitzaren inguruko kontzeptu batzuk lantzen dira, eta bakoitzak ditugun jarrerak mahai gainean jartzen dira. Ondoren, herriari begira jarri dira eragile horiek guztiak, eta prozesuaren bukaeran helburu bat eta lan ildo batzuk adostu dituzte denen artean.

Mutrikun gaiak sortu duen interesa azpimarratzekoa da, bertako zein kanpoko pertsonek hartu dute parte eta zehaztu diren lan ildoak eta ekintzak kulturen arteko elkarbizitzan eta errespetuan elkarrekin lan egitera bideratutakoak izan dira.

Aguraingo saioa 1

Agurainen prozesua berdina izan da, baina bertan 38 izan dira parte hartzaileak, eta hori dela eta, bi lan talde aritu dira lanean. Lehenengo bi saioetan bi lan taldeak banatuta egon dira, eta azkeneko saioan, adostasunak lortzeko saioan bi lan taldeek batera egin dituzte lanak. Oso eragile desberdinek parte hartu dute prozesuan, baina hala ere ez da zaila izan adostasunetara heltzea.

Aguraingo saioa 2

Agurainen kasuan, oso adierazgarria izan da gazteen parte hartzea. Beste herrietan ez bezala Aguraingo gazteen eragileek parte hartze oso aktiboa izan dute.

NEL Zaintzaileak ikastaroa Tolosan

Bukatu da Tolosan emandako NEL-ZAINTZAILEAK ikastaroa; Banaiz Bagara eta EMUNen artean emandako saioak izan dira; 14 saio guztira. Helburua helduen zaintzan lan egiten dutenek helduekin gutxieneko komunikaziorako gaitasuna lortzea zen; zainduen oinarrizko beharrak asetzeko lain, gutxienez.

DIGITAL CAMERA

Hizkuntzaren garrantziari buruz hausnartzeko tartea ere izan dugu, erabiltzeko motibazioan eragiteko aukera izan da; besteak beste, euskarak lanerako duen balioaz hitz egin dugu, helduekin harreman afektiboan euskarak duen garrantziaz eta munduko hizkuntza aniztasunaz.

Hizkuntzarekin lotutako egoera deserosoen aurrean erantzuteko baliabideak geureganatzen ere saiatu gara. Orain arte izandako bizipenez gain, erronka berrien aurrean izan beharreko portaeraz aritu gara.

DIGITAL CAMERA

Helduen beharrei erantzuteko euskaraz erabiltzen diren ohiko esaldi, esamolde, eta hiztegia ikasi eta praktikan jartzea lortu dugu, eta, oro har,  balorazioa oso ona izan da. Honezkero, batek baino gehiagok zaindu bat baino gehiagoren errekonozimendua jaso du. Zorionak parte hartzaile guztiei!

Ostalaritzako oinarriak euskaraz ikasten

Buruntzaldean NEL Ostalaritza izeneko ikastaroa eman du Emunek Banaiz bagara elkartearekin batera. Ikastaro horren helburu orokorra izan da taberna edo jatetxean lanean dabiltzanek bezeroak euskaraz artatzeko behar dituzten hizkuntza baliabideak eskuratzea.

DIGITAL CAMERA

Astean bi saio izan dira eta guztira hiru saio bi tabernetan egin dira. Parte hartzaileei euskarara hurbiltzen lagundu die ikastaroak. Lan egoera batean euskaldunekin harremana izateko  baliabideak jaso dituzte, eta batez ere lotsa eta beldurra kentzeko balio izan die.

NEL_Buruntzaldea201301_1

Ikastaroaren edukiak ostalaritzara egokitutakoak izan dira. Taberna bateko nagusi baten jarrera ona eta parte hartzea eskertzekoa izan da, bere lan lekua utzi baitigu gure ariketa praktikoak egin ahal izateko eta berak ere parte hartu du saioan. Praktika errealak egin dira tabernetan eta horiek saioen osagarri garrantzitsua izan dira eta balio erantsia eman diete saioei. Azpimarratzekoa da, halaber, AEK-ko ikasle eta irakasleekin izandako elkarlana, saio batean haiekin batera egin baitira tabernako saio erreal eta praktikak.

Ekainaren 1ean danbor-martxa Donostian

Aniztasunaren aldeko aldarrikapen eta festa eguna egingo du ekainaren 1ean Euskal Herria 11 Kolorek Donostian. Bai aniztasunari! Gora aniztasuna! izango da leloa.

Danbor martxa izango da eguneko ekitaldi nagusia. Martxa 17:30ean abiatuko da, Alderdi Ederreko lorategietatik, eta Donostia erdialdeko kale nagusiak igaroko ditu. Aurretik perku-flashmob bat egingo dute. Dagoeneko ikusgai dago Youtuben, eta egun horretarako ikastera deitu dute.

Follow

Get every new post delivered to your Inbox.

167 harpidedun

%d bloggers like this: